Éxtase

Muller sentada no bordo dunha cama, suxeitando un libro coa man esquerda e coa mirada perdida. Viste un mandil, co pelo recolleito e lentes circulares. Nunha repisa na parte baixa da xanela hai diversos obxectos como unha botella, un  carrete de fío, unha palmatoria e un libro aberto que se dispoñen a modo de bodegón. O sentido ambiental do cadro complétase co benditeiro sobre a parede do fondo.

Trátase do retrato de Luisa Colmenares Debén, nacida en Lourenzá (Lugo) que atendía como asistenta a Julia e aos seus irmáns en Madrid.