Ferrería de Incio

O Incio é un dos lugares de Galicia que foron obxecto dos pinceis de Segura, primeiro nunha paisaxe ao óleo e despois nesta acuarela, que será unha das técnicas que usa nos anos setenta. Os temas das súas acuarelas son paisaxes rurais ou urbanas. A Ferrería de Incio é un conxunto harmónico de ocres, terras, pardos, pero os toques de verdes dos balcóns e as árbores, os amarelos e laranxas, evitan a sensación de monotonía. A mirada que bota o artista sobre esas casas está cargada de emoción interior, captando á súa vez as calidades e texturas desas construcións tradicionais.