Figura feminina

Estudo do tronco dunha figura feminina, cuberto por un vestido cinguido á cintura, coas mangas recollidas e cunha banda cruzando o peito. Ten os brazos levantados, deles, só o dereito está terminado. Na parte inferior esquerda estudo de dous pés xuntos.

Trataríase dun estudo para unha das bailarinas da Alegoría da Danza pintada para o teito dun dos gabinetes do palacio dos Marqueses de Portugalete, desaparecido durante a Guerra civil. Pertence a un conxunto de debuxos de idéntica factura e carácter, realizado para analizar as figuras pricipais da composición. Aínda que o debuxo non se axusta con precisión ao deseño da acuarela do conxunto, -único testemuño coñecido ata o de agora do aspecto xeral da pintura desaparecida-, debe corresponder pola súa postura frontal a un estudo definido da bailarina situada á dereita do espectador.