Flores

Pintora viguesa formada en Madrid nos anos cincuenta nas clases de Julio Moisés e na Academia de Bellas Artes de San Fernando. A súa pintura é de vocación neofigurativa enlazando coa modernidade das vangardas aínda que soubo imprimir á súa obra un estilo persoal. Abarcou diferentes temáticas, desde as paisaxes ata os temas de nenos ou da ancianidade, pero a súa maior produción cínguese aos bodegóns.

Nesta pintura de flores mostra, mediante unha sinxela composición, unha linguaxe pictórica baseada nas texturas do material e no tratamento da luz, elementos primordiais da súa pintura, plasmados cunha pincelada rápida, xunto co estudo da cor baseada nos verdes agrisados e terras con amarelos, brancos e rosas, elementos que provocan a borrosidad dos perfís.