Fonte

Fonte cuadrilonga con á fileteada en negros de distinto grosor e o centro decorado con vista idealizada dun lugar. A disposición compositiva responde ao esquema común neste tipo de viñetas: unha canle central, con diversas embarcacións e góndolas, organiza os distintos elementos da paisaxe. En primeiro plano un espazo axardinado con árbore de gusto romántico, que exerce un contrapunto compositivo respecto da grande edificación cupulada máis alá do río. Ao pé da escalinata diversos personaxes con vestimenta de época e ao fondo, máis edificacións de carácter clasicista  acentúan a sensación de distancia.