O retorno do fillo pródigo

Represéntase a parábola evanxélica da volta do fillo pródigo (Lucas, 15: 11-32) enmarcada nun escenario con varios monumentos arquitectónicos que se caracterizan polo clasicismo e a monumentalidade, como o pórtico en ruínas situado á esquerda que deixa ver a perspectiva da praza. Este tipo de vista ideal de monumentos e ruínas foron elixidas como fondos para representar outras escenas por pintores italianos e do norte de Europa desde o século XIV ao XVIII. No norte de Europa exerceron grande influencia no século XVI os libros ilustrados sobre arquitectura e perspectiva do deseñador e arquitecto holandés Hans Vredeman de Vries do século XVI que propagou o estilo e os ornamentos do arquitecto renacentista italiano Sebastián Serlio. Estes libros ilustrados foron a guía para os pintores de arquitecturas.