Padre José Rubinos

Retrato de busto dun home de mediana idade que viste sotana sacerdotal. O retratado foi xesuíta, nomeado membro de honra da Real Academia Galega en 1954 e director do Colexio de Belén na Habana. O padre Rubinos - José Rubinos Ramos (A Coruña, 1898 - Miami, 1963) - impartiu clases en Bogotá, publicou varios libros e realizou a maior parte da súa actividade cultural na Habana. Realizou varias visitas a España e na Coruña levou a cabo labores de asistencia social como o acondicionamento dun refuxio para persoas sen recursos, un labor que hoxe perdura na cidade e que leva o seu nome.