Peixe

Estampaxe circular cun peixe rexistrado, en tinta marrón, para ilustrar o álbum Soma de craridades de Alvaro Cunqueiro

Publicado en Arxentina en 1977 por Edicións Cuco Rei. Este álbum atopa a súa orixe nun primeiro proxecto dos anos trinta, froito da cooperación de Luís Seoane e Álvaro Cunqueiro, quen compila sete poemas baixo o título Soma de Craridades, para ser publicados co álbum de debuxos de Seoane Síntese do Crime. Este álbum será destruído na imprenta Nós en 1936, durante a guerra civil. Froito diso, en 1977, Seoane publica Soma de Craridades en Arxentina, onde se divulgarán os sete poemas de Cunqueiro acompañados de varios debuxos de Seoane, dos anos trinta e cinco gravados dos anos setenta así como unha carta de Santiago Montero Díaz ao debuxante datada en 1932.