Sen título (Álbum Imaxens Celtas)

Estampaxe circular cunha figura de cabalo e un paxaro sobre ela, en tinta marrón. Do Álbum Imaxens celtas. Sen núm. de tirada. Neste álbum de xilografías, Luís Seoane desenvolve unha sorte de retrovisión mítica chegando mesmo á prehistoria. Expoñendo unha mirada persoal, case animista, das formas arcaicas, desde unha linguaxe simbólica, mostrando a intrahistoria das formas. O círculo solar, os petróglifos, as inscricións en baixorelevo das pedras, as espirais, os trísceles, desenvólvense nestas xilografías, como un claro eco do primitivismo ligado ás vangardas.