Señora

Os lenzos de Sucasas nunca abandonan a figuración, aínda que sempre sexa tratada cunha técnica expresionista que o leva á fragmentación do relato pictórico ata confundir os espazos de atmosferas abigarradas co cromatismo dos seres e obxectos que os habitan. O hieratismo desta figura, presente en moitas das súas obras, atribúe unha dimensión estatuaria ou escultórica á representación da muller. Unha luz borrosa, inquietante, que xorde do interior do cadro, tende a desfacer o seu volume que, contrariamente, delimita as liñas enmarcadas do contorno.