Aprendendo con Isaac Díaz Pardo

Arte galega - Pintura - Debuxo - Cerámica - Deseño - Industria - Emigración - Memoria - Laboratorio de Formas - Sargadelos - Identidade - Creatividade

Para quen?

• Centros educativos de toda Galicia
• Alumnado de Infantil, Primaria e Secundaria.

Descrición do proxecto

Ademais das visitas educativas á exposición “A barca de Caronte. A traxectoria vital de Isaac Díaz Pardo”, o museo ofrece a posibilidade de traballar a figura deste artista galego a distancia, durante o curso 2025-2026, a través de diferentes actividades que achegan os contidos da mostra ás escolas.

Co envío periódico de propostas didácticas e materiais complementarios, o alumnado poderá coñecer a traxectoria vital e artística desta figura senlleira, ao tempo que realiza as súas propias creacións inspiradas nas obras do artista.

O proxecto Aprendendo con Isaac Díaz Pardo pódese desenvolver ao longo de todo o curso ou adaptarse puntualmente ás necesidades e intereses de cada centro, deseñando actividades individualizadas nun momento concreto.