Aventura entre lenzos

A través dunha visita dinamizada, buscaremos que o alumnado entenda o museo como un espazo aberto e accesible, fomentado a súa participación durante o percorrido. Diferentes retos farán das salas do museo un lugar por onde moverse con curiosidade, animando ao uso do sentido crítico e asentando conceptos básicos do mundo da arte. A observación das obras e da información que nos aportan será clave para coñecer os diferentes relatos e detalles que agochan, buscando que a visita sexa enriquecedora e que o alumnado se implique dun xeito lúdico e ameno.