Roberto González Fernández. Observadores observados
ROBERTO GONZALEZ FERNANDEZ
OBSERVADORES OBSERVADOS
Roberto González Fernández ocupará de forma inusitada e insólita as diversas salas do Museo de Belas Artes, intercalando entre as obras da colección permanente do museo 33 personaxes da súa serie Dobremente Vixiados.
W-DV (Dobremente Vixiados) é unha serie formada por un centenar de retratos ao óleo sobre lenzo de 19 x 12 cm. Todos teñen en común o xesto de taparse a cara coas súas mans, formando a W cos dedos. Xesto de meditación ensimesmada, e á súa vez de infantil e inútil intento de escondernos e protexernos, tapándonos o rostro. W da omnipresente rede informática nun mundo globalizado, que á vez que nos conecta, contrólanos e vixíanos. Vixiamos e vixíannos. Dobremente vixiados.
No Museo de Belas Artes, estes personaxes, -todos eles homes-, dos que só coñecemos as súas iniciais e profesión,- Incluíndo a un pescador, a un físico nuclear, un xardineiro, críticos de arte, arquitectos, avogados, pintores, un taxista ou varios fotógrafos entre outros-, establecen un xogo sutil con obras da colección pero tamén co mesmo edificio. Para axudarnos a entender estas curiosas relacións, o arquitecto Pedro Taboada recreou de forma imaxinativa, a través de enigmáticos textos (1), o diálogo que se establece entre eles, proporcionándonos pistas e sinais, tan poéticas como intrigantes, que poderían axudarnos a chegar a nosa propia interpretación desta intervención de Roberto González Fernández.
Catálogo da exposición
O Museo de Belas Artes da Coruña recopila no catálogo Observadores observados as imaxes que participaron nesta instalación de Roberto González Fernández, que tivo lugar entre o 12 de maio e o 30 de setembro do 2017.
