Presentación do libro "Contos, poemas e imaxes das Mariñas ártabras"
O Museo de Belas Artes da Coruña en colaboración coa Asociación de Amigos do Museo de Belas Artes da Coruña acolle a presentación do libro Contos, poemas e imaxes das Mariñas ártabras, que será presentado o martes 10 de marzo ás 19 horas polos seus compiladores e escritores concitados nas súas páxinas.
A editorial alemá Jenior Verlag de Kassel acaba de publicar unha extensa antoloxía de textos literarios cun título en alemán de Contos, poemas e imaxes dás Mariñas ártabras, que propón unha cartografía literaria das Mariñas Coruñesas entendidas como unha topografía cultural híbrida onde converxen aspectos xeográficos, lingüísticos, imaxinarios sociais, en si dispares pero que na súa totalidade constitúen unha fascinante exploración do seu significado simbólico a través da literatura.
Un conxunto de notables escritores galegos foron escollidos para esta Antoloxía, que fundamentalmente ten contos, aínda que tamén algunhas poesías vinculándose a un proxecto do Taller Literario de Tradución de Kiel e o Centro de Estudos Galegos da súa Universidade.
A maioría dos autores elixidos viven e todos viviron na zona. Incorporáronse pintores e fotógrafos, así como figuras clásicas de comezos do século XX, como poden ser Emilia Pardo Bazán e Manuel Lugrís Freire, ademais de notables escritores contemporáneos como Xesús Fraga, Manuel Rivas e Estibaliz Espinosa…
Por outra banda, tamén están presentes escritores do galeguismo na época franquista como Urbano Lugrís, Uxío Novoneyra e Xohan Casal. Ademais dalgún escritor residente en Madrid, como Mariano Tudela, destacan tres poetas de rango, as recentemente falecidas Luz Pozo Garza e Luis Villalta xunto a Xavier Seoane.
A selección do libro foi ultimada pola profesora Olivia Rodríguez, da Universidade da Coruña, e o director do Centro de Escudos Galegos de Kiel e alí mesmo catedrático emérito, Javier Gómez-Montero, e foi publicada pola Rede de Escritores e Tradutores de Castrillo dos Polvazares,
O libro inclúe reproducións de cadros de Urbano Lugrís, Ovidio Murguía, Antonio Tenreiro e Óscar Brandáriz, así como fotografías de Chema Ríos e Félix / Bea Keller. No seu conxunto ofrece unha visión tamén da historia social e cultural de finais do S.XIX ata a actualidade e sen dúbida, é un libro pioneiro na configuración e en canto á proposta de articulación da topografía cultural dun punto tan emblemático do noroeste peninsular como son as Mariñas Coruñesas.
