Cafeteira

Cafeteira de bordos ondulados, corpo modelado en hélice e tapa con pomo. A decoración estampada en negro, repártese polo centro nunha ampla banda na que se repite dúas veces unha mesma escena idílica campestre.
O bordo superior interno e externo da boca, base, asa, tapa e pico decóranse con orla de grilanda de flores silvestres variadas. 
Durante o século XVIII e XIX a difusión de produtos estimulantes como o té ou café ata ámbitos da burguesía máis aló do mundo aristocrático, vai repercutir na elaboración de recipientes adecuados para o seu uso, por iso é polo que nas distintas fábricas prolifera a presenza de teteiras chocolateiras ou estilizadas cafeteiras como esta, realizadas mediante a técnica do colado.