Conversa asimétrica

Composición formada por dúas pezas independentes que se complementan e que tenden a buscar a verticalidade no espazo. A obra escultórica de Rivas, que participa nas exposicións dos anos oitenta do grupo galego Atlántica, vaise depurando cos anos cara a concepcións máis simplificadas e minimalistas. Non haberá referencias á figuración pero sen chegar a posicións radicais, pois como observamos nesta composición deixa asomar no alto algunhas formas curvas e sinuosas. Este proceso de abstracción acompáñase en toda a súa traxectoria da introdución do baleiro como elemento clave da representación. O escultor xoga coa fragmentación da peza para que o espectador participe no interior e no contraste de luminosidades que provoca.