Dona Matilde Rodríguez Pastor

A composición deste retrato lembra a un dos modelos usados por Ignacio Zuloaga, cunha paisaxe de fondo e coa figura situada en primeiro plano e destacada cunha iluminación forzada. Tamén se aprecia a inspiración na pintura do Greco, ao que Corredoyra se achegou estilísticamente, no ton tenebroso de toda a composición e no alongamento das mans da dama que Corredoyra usa como recurso expresivo. Como é habitual nos seus retratos fai un estudo de caracterización sicológica desta muller da burguesía coruñesa e introduce no horizonte o castelo medieval de Andrade ou de Nogueirosa, para aludir simbólicamente á vinculación familiar da retratada co municipio de Pontedeume.