Ouriñal

Ouriñal con asa estampado en negro. A parte externa do corpo está decorada por dúas grandes viñetas co motivo característico do modelo Góndola

Con todo, o fondo interno está ornamentado por unha crátera con grilanda illada sen apenas motivos decorativos que a acompañen e proporcionen un referente espacial.

Dentro da diversidade de pezas decoradas co tema Góndola atópanse numerosos matices diferenciadores nos elementos que integran a composición ou meras simplificacións nas composicións, como cortadas nun intento de adaptar a decoración á forma da peza como é o caso da estampaxe desta crátera illada no interior da peza.

O bordo alto, base e asa están decorados con reberete de espigas salteadas por floriñas.