Prato

Prato fondo cuxa ala presenta suaves ondulacións en relevo obtidas a partir do labrado en molde, o reverso mantén forma lisa e o bordo exterior forma poligonal.

A decoración a base de ramalletes estampados en marrón, e cuxas flores  posteriormente son iluminadas a man en vermello, azul amarelo e verde. Estes ramalletes distribúense por toda a superficie da peza de forma simétrica alternando diferentes tamaños e formas a excepción do central que é distinto.

O bordo decorado con fino reberete de rosetas alternadas con perlas. É moi frecuente ver a asociación do reberete de perlas e rosas coa louza iluminada de ramalletes.

A técnica de Iluminado supón que unha vez terminou o proceso monocolor de estampaxe, se procede a colorear a man alzada en distintos tons as flores que compoñen o ramallete.