Sopeira

Sopeira redondeada con asas en forma de venera, pé alto e decoración tipo Góndola estampada en azul.

O recipiente está decorado por ámbalas caras da panza con dúas viñetas idénticas do motivo característico do modelo Góndola: unha paisaxe fantástica con gran crátera de estilo clásico en primeiro plano está separada por un río da outra ladeira montañosa que parace salpicada por edificios de diferentes estilos. O bordo superior interno e externo da boca e parte inferior do pé decóranse con reberetes de espigas salteadas por floreciñas.

A tapa ten pomo en forma de flor. Está decorada con orla de viñetas que alternan paisaxes e rosas con remate alto de reberete de espigas.
O modelo Góndola foi o máis característico dentro da louza estampada de Sargadelos e foi aplicado en todo tipo de pezas con independencia do seu tamaño, formas e cores. Con todo o seu gran éxito xa deriva de Inglaterra, onde a partir da fábrica de Copeland et Garret alcanzará unha gran difusión.