Unha volta ao sol

No que dura un ano a Terra da un xiro ao redor do sol, as estacións sucédense unhas a outras e o calendario está cheo de celebracións e fitos que rompen o transcurso da nosa vida cotiá.

Nesta actividade as nenas e os nenos darán un paseo polo museo observando aquelas obras nas que identificamos festividades, eventos do día a día e cambios estacionais. 

Como recoñecemos o paso das estacións? Cantos días ten unha semana? Que facemos durante as vacacións? Pode facer frío ou calor nun cadro? 

Dun xeito narrativo e lúdico observaremos e interactuaremos con algunhas das obras máis senlleiras da colección do museo.