Desnudo

Diversas teas de vivas cores e un grande abanico aberto decorado con temas chinescos, están colocados sobre a parede e o leito no que está deitada unha muller nova. Taibo é coñecedor das técnicas impresionistas e será, sobre todo, grande admirador da pintura de Manet especialmente dos seus modos de representar os espidos femininos, que transmiten unha imaxe do corpo máis real e próxima, afastada da imaxe idealizada da pintura europea da segunda metade do XIX. A pesar de que a arte española decimonónica contaba cunha parca representación do espido, durante o primeiro terzo do século XX alcanza gran desenvolvemento nos máis variados estilos. Taibo aínda que establecido en París, contribúe ao seu despregamento facendo uso dunha técnica moderna de matices impresionistas pero aplicada a unha figuración que se mantén aínda realista.