Imaxe:
Marquesa de Zarreal
Folla técnica
Número de inventario:
6440
Materia / Soporte:
Lenzo
Contexto cultural / Estilo:
Pintura Galega. Xeración Triunfante
Cronoloxía:
1917
Clasificación:
Pintura
Procedencia:
Depósito: Museo Nacional del Prado
Medidas:
Con marco: Altura = 225 cm; Anchura = 173,5 cm; Profundidade = 7 cm
Lenzo: Altura = 223 cm; Anchura = 141 cm
Técnica:
Pintura ao óleo
Obxecto:
Cadro
Retrato de figura feminina de pé e de perfil, co rostro volto cara ao espectador e tocada cunha mantilla de cor negra. Porta un abanico na man. A figura atópase nun espazo exterior con paisaxe ao fondo.
Dentro da súa produción retratística debemos ter en conta as influencias recibidas de pintores como Diego Velázquez e Francisco de Goya, resaltando a evocación que o artista realiza da tradición pictórica española. María Teresa Losada e González de Villalaz, Marquesa de Zarreal, é unha obra de inspiración goyesca, que garda relación co retrato de María Luisa con mantilla de Goya. Á súa vez, a influencia de Velázquez é clara, pois tanto a composición da imaxe como a captación da alma do retratado denotan o coñecemento do seu estilo. Sotomayor foi un hábil retratista que se adaptaba aos gustos académicos, á vez que mantiña presente un aceno de identidade propia reconocible no trazo aplicado aos tecidos e a xoiería. Representou aos membros da aristocracia e da burguesía conservando o sinal do realismo académico pero acentuando a pincelada impresionista no xogo de contrastes lumínicos que permiten percibir as calidades da indumentaria das figuras.
Aparece titulado nalgunhas publicacións como retrato da Marquesa de Amurrio.