Visitas
RESERVA DE VISITAS ESCOLARES DO CURSO 2025-2026 A PARTIR DO LUNS 8 DE SETEMBRO
A programación didáctica deseñada especialmente para a comunidade educativa inclúe visitas guiadas e actividades adaptadas ás diferentes etapas, desde Educación Infantil ata Bacharelato. O obxectivo destas propostas é espertar o interese pola arte no alumnado, fomentar o hábito de visitar centros culturais e coñecer de preto as obras de arte, creando unha experiencia enriquecedora e dinámica.
Visita-taller-tertulia en Museo de Belas Artes da Coruña
Programa de atención á diversidade, a realizar na sede do Museo, que combina visita, obradoiro e tertulia, asegurando actividades adaptadas e inclusivas.
Visita virtual + taller en instalacións da entidade solicitante
Proxecto educativo dirixido a colectivos con diversidade funcional ou en risco de exclusión, no marco do programa Cultura Accesible e Inclusiva liderado pola Fundación Emalcsa. Dende o 2020, emprega experiencias inmersivas de Realidade Virtual para levar virtualmente o Museo ata a propia sede dos centros participantes.
Sesión teórica inicial + Obradoiro artes plásticas no Museo de Belas Artes da Coruña
Proxecto sociocultural pensado para colectivos en situación de vulnerabilidade, que busca reflexionar sobre as raíces e a identidade propia, explorando dimensións culturais, xeográficas, emocionais e persoais tanto a nivel individual como colectivo. Durante diversas sesións no Museo, cada grupo traballa un tema e unha técnica artística, da man de diferentes artistas locais.
