Cada gota conta
A auga como fonte de vida será o fío condutor desta actividade.
Este ben tan prezado e necesario para os humanos foi representado na arte ao longo dos séculos, e no Museo de Belas Artes da Coruña podemos atopalo en numerosas obras.
De maneira lúdica iranse aos poucos descubrindo todas aquelas referencias escondidas entre o contido da colección, que permiten apreciar a fauna e a flora acuática, os seres mitológicos mariños, as grandes paisaxes onde se captan fenómenos atmosféricos relacionados co ciclo da auga e os seus distintos estados.
As didácticas permiten conectar coas obras expostas e, mesmo, replicarlas en relación cos traballos e necesidades humanas dependentes da auga.
De maneira comprensiva e aludindo a aspectos da nosa contorna, esta visita permite tanto reflexionar sobre este importante ben que temos que coidar, como comprender como nunca o reflectido nas obras do museo pola familiaridade que presenta a auga ante o alumnado.
