Día Internacional dos Museos 2022

Xornada de portas abertas, actividades e visitas á colección permanente

O Museo de Belas Artes da Coruña celebra o Día Internacional dos Museos e a Noite dos Museos cunha programación especial que inclúe xornada de portas abertas, obradoiros para familias e visitas á colección permanente. 

 

Mércores 18 de Maio 2022

Visitas musicadas co Proxecto Pesquedellas

18:00 e 19:30h

Recorrido polo museo no que, a partir dalgúns cadros se contarán e cantarán as músicas que acompañaron aos galegos e galegas de antano. Na visita falarase sobre os cantares do ciclo da vida e do ciclo do ano, da reputación dos diferentes músicos tradicionais e de como a música popular sobreviviu a pesar da distancia, do paso do tempo e das modas.

 

Sábado 21 de Maio 2022

Obradoiros en familia: Nas nosas mans

12:00 e 17:30h. Inscripción previa.

A partires da colección do museo, farase fincapé no poder transformador que teñen os museos para tratar o tema da sostenibilidade, imaxinando realidades distintas, mellores, para un futuro que está nas nosas mans.

 

Visitas musicadas co Proxecto Pesquedellas

18:30 e 20:00h

 

Soul no Museo con Carla Green & The Demons

21:30h

A noite dos museos rematará, co horario ampliado ata ás 23:00, co concerto de Carla Green & The Demons. Grupo compostelán formado en 2017 que traerá ao museo o mellor soul dos anos 60 e 70.