Las mariscadoras

O lenzo é outro exemplo da desvinculación entre as cores e as formas que están realizadas mediante unha serie de trazos. Nesta composición, a liña e a cor concíbense como elementos autónomos, dominan a cor vermella, o azul índigo e o laranxa, aos que se suman trazos xeométricos moi simples que complementan os planos de cor. Unha concepción que leva parella unha tendencia á síntese e á esquematización das formas chegando á construción dunha linguaxe plástica propio que se pon de manifesto nos óleos, gravados e murais de Seoane. As figuras femininas, que toman o protagonismo do cadro, son un dos arquetipos populares galegos presentes na obra do pintor. É un exemplo da referencia a Galicia e da intención de destacar o papel das mulleres traballadoras, neste caso as mariscadoras.