As mulleres no Museo

De que xeito son representadas as mulleres e que lugar se lles reservou para a creación artística? Esta será a cuestión fundamental que nos servirá como fío condutor e punto de arranque da visita. Centrarémonos porén en dous aspectos distintos: a representación artística da muller durante a historia da arte e o papel da muller como creadora, motivando no alumnado o debate en torno á desigualdade histórica entre homes e mulleres. Porémoslle nome e apelidos ás mulleres artistas presentes na colección facendo autocrítica da anecdótica  representación coa que contan nas salas dos museos.