Mitoloxía clásica
Mitoloxía - Grecia - Tradición - Heroes - deuses/as - Seres mitolóxicos
Narracións de acontecementos fantásticos, fazañas de heroes, explicacións de cuestións difíciles de comprender, símbolos de protección ou presentacións dos diferentes deuses e deusas do panteón greco-latino, son as funcións ás que durante moitos séculos respondeu a mitoloxía, recollida nas grandes obras da literatura clásica como a Ilíada, a Odisea ou as Metamorfoses.
Ao longo da historia, a mitoloxía supón unha fonte de inspiración para os artistas, dando lugar a un xénero propio no que representar personaxes, historias e feitos extraordinarios transmitidos a través de obras literarias e da tradición oral.
Este xénero foi especialmente valorado polos reis e nobres de diferentes épocas, que viron nestas historias a posibilidade de demostrar o seu poder mediante a identificación con diferentes deuses, coma a asociación da monarquía española ca figura de Hércules. Noutros casos, as historias narradas implicaban diferentes leccións morais, servindo como exemplo de comportamento.
En definitiva, cadros e esculturas con imaxes da mitoloxía clásica decoraron os grandes salóns e xardíns dos palacios da monarquía e da nobreza, mais tamén estaba presente en moedas, medallas ou debuxos.
Neste itinerario coñeceremos as obras sobre a mitoloxía clásica presentes na colección do museo. Seleccionando cada un dos recadros que aparecen abaixo, accederedes a información do autor, unha descrición da obra e do mito que representa e nalgúns casos outros materiais adicionais.
