Visitas
RESERVA DE VISITAS ESCOLARES DO CURSO 2025-2026 A PARTIR DO LUNS 8 DE SETEMBRO
A programación didáctica deseñada especialmente para a comunidade educativa inclúe visitas guiadas e actividades adaptadas ás diferentes etapas, desde Educación Infantil ata Bacharelato. O obxectivo destas propostas é espertar o interese pola arte no alumnado, fomentar o hábito de visitar centros culturais e coñecer de preto as obras de arte, creando unha experiencia enriquecedora e dinámica.
Visita dinamizada
-
Todos os niveis educativos
Desde o 7 de outubro ata o 12 de decembro de 2025
Horario: 10:30h, 12:00h e 15:30h
Visita dinamizada
-
1º, 2º, 3º, 4º ESO e Bacharelato
As mulleres no museo preséntanse tanto encorsetadas como enxalzadas. Ao longo da visita veranse as distintas representacións, desde hieráticas raíñas a xoviais modelos; e tamén, aínda que sexa en menor número, á muller artista.
Visita dinamizada
-
1º, 2º, 3º, 4º ESO e Bacharelato
A obra do gravador preséntase nesta visita coas series de "Os Caprichos", "Os Desastres", e "Os Disparates", nos cales se poden analizar as luces e sombras Goyescas, ademais do vital contexto socio-histórico.
Visita técnica
-
2º Bacharelato
Pensada para alumnado de 2º de Bacharelato, esta proposta permite repasar conceptos clave do currículo de Historia da Arte a través dun percorrido rigoroso pola colección. Composición, perspectiva, estilos e xéneros analízanse de forma directa e aplicada, sen deixar de lado o papel do museo como espazo de conservación, transmisión e reflexión crítica sobre o patrimonio.
