Visitas
RESERVA DE VISITAS ESCOLARES DO CURSO 2025-2026 A PARTIR DO LUNS 8 DE SETEMBRO
A programación didáctica deseñada especialmente para a comunidade educativa inclúe visitas guiadas e actividades adaptadas ás diferentes etapas, desde Educación Infantil ata Bacharelato. O obxectivo destas propostas é espertar o interese pola arte no alumnado, fomentar o hábito de visitar centros culturais e coñecer de preto as obras de arte, creando unha experiencia enriquecedora e dinámica.
Visita dinamizada
-
1º ciclo da ESO
Esta visita propón unha experiencia diferente no museo. Unha proposta dinámica, creativa e adaptada ao primeiro ciclo da ESO, que convida a moverse polo museo con curiosidade e sentido crítico.
Visita comentada
-
2º ciclo da ESO
A mirada pode ser semellante, pero a percepción é única. Nesta visita explóranse, mediante diversas dinámicas, as diferentes sensacións e significados xerados pola interpretación individual da arte.
Visita dinamizada
-
1º, 2º, 3º, 4º ESO e Bacharelato
As mulleres foron encorsetadas ao longo da historia da arte. Aproveitaremos a visita ao museo para reflexionar sobre a representación pictórica feminina e sobre o escaso número de mulleres artistas recoñecidas socialmente.
Visita dinamizada
-
1º, 2º, 3º, 4º ESO e Bacharelato
A través das cinco series de gravados de Goya analizaremos as luces e sombras do artista e do seu contexto.
