Visitas
As visitas á colección do museo comprenden actividades de público escolar, adulto e de atención á diversidade.
A programación destinada á comunidade educativa inclúe visitas comentadas e actividades que abranguen dende a Educación Infantil ata o Bacharelato, favorecendo que desde pequenos adquiran o costume de asistir aos centros culturais e de estar en contacto directo coas obras de arte.
No caso das visitas para público adulto, o Museo organiza actividades que fomenten e favorezan o coñecemento da colección do museo en particular, e do mundo da arte en xeral. Visitas guiadas, cursos sobre arte e museos, coloquios, xornadas, presentacións e conferencias; son algunhas das propostas coas que se presenta unha alternativa cultural e de calidade para o tempo de lecer.
As visitas de atención á diversidade pretenden fomentar a participación de todas as persoas nas actividades educativas que se desenvolven no museo, favorecendo o acceso e a inclusión de todos e todas no ocio e na cultura.
Visita teatralizada
-
3º Educación Infantil
Museo Miúdo é unha actividade concibida como unha primeira aproximación ao mundo dos museos por parte dos máis pequenos. Nesta visita de carácter narrativo e teatral percorreremos os distintos espazos do museo acompañados de distintos personaxes que sairán das obras de arte. Partindo das ideas previas dos nosos visitantes observaremos cadros cheos de motivos cotiáns: o mar, os animais, as plantas...
Visita dinamizada
-
4º-6º Educación Infantil
Carolina é unha nena de cinco anos que ten que cambiar de cidade. As mudanzas son sempre moi estresantes e ela aínda non fixo a súa maleta. Axudámoslle a facela?
O que levamos na maleta é unha actividade que ten como fío conductor o tema das emocións e como as xestionamos. As obras de arte do museo foron realizadas para espertar no espectador distintas sensacións; durante esta visita os nenos e nenas irán expresando como se senten diante dos cadros e esculturas do museo.
Visita dinamizada
-
4º - 6º Ed. Infantil
A natureza sempre foi unha fonte de inspiración para os artistas. A través das paisaxes, dos bodegóns ou da representación de elementos vexetais e animais, moitos creadores e creadoras souberon captar a realidade do noso medio e mesmo transformala. Nesta actividade os nenos e nenas experimentarán con distintos materiais empregados para realizar unha obra de arte e descubrirán o proceso de creación dalgunhas das pezas do museo.
