Visitas
RESERVA DE VISITAS ESCOLARES DO CURSO 2025-2026 A PARTIR DO LUNS 8 DE SETEMBRO
A programación didáctica deseñada especialmente para a comunidade educativa inclúe visitas guiadas e actividades adaptadas ás diferentes etapas, desde Educación Infantil ata Bacharelato. O obxectivo destas propostas é espertar o interese pola arte no alumnado, fomentar o hábito de visitar centros culturais e coñecer de preto as obras de arte, creando unha experiencia enriquecedora e dinámica.
Visita dinamizada
-
Todos os niveis educativos
Desde o 7 de outubro ata o 12 de decembro de 2025
Horario: 10:30h, 12:00h e 15:30h
Visita dinamizada
-
4º Educación Infantil
Desde a ave que se agocha tras un pincel naturalista ao cabalo que galopa máis aló do lenzo, esta visita é unha aventura visual polo reino animal escondido no museo. A través dos ollos curiosos de nenos e nenas de 3 e 4 anos, o movemento presente nas obras convértese en xogo, e os estilos artísticos descóbrense como distintas maneiras de ver o mundo. Unha experiencia para observar, recoñecer e sentir que a arte... tamén ten patas, picos e aletas.
Visita dinamizada
-
5º Educación Infantil
Nesta visita o fío condutor das obras seleccionadas é a súa relación coa auga, o que permite explorar os usos e beneficios deste ben tan prezado.
Visita dinamizada
-
6º Educación Infantil
Esta visita adaptada ao público infantil busca explicar a través da arte o concepto do paso do tempo. Observando nas obras seleccionadas as estacións e variacións climáticas.
