Visitas

A mirada pode ser semellante, pero a percepción é única. Nesta visita explóranse, mediante diversas dinámicas, as diferentes sensacións e significados xerados pola interpretación individual da arte.

As mulleres foron encorsetadas ao longo da historia da arte. Aproveitaremos a visita ao museo para reflexionar sobre a representación pictórica feminina e sobre o escaso número de mulleres artistas recoñecidas socialmente.

A través das cinco series de gravados de Goya analizaremos as luces e sombras do artista e do seu contexto.

Pensada para alumnado de 2º de Bacharelato, esta proposta permite repasar conceptos clave do currículo de Historia da Arte a través dun percorrido pola colección.

Programa de atención á diversidade, a realizar na sede do Museo, que combina visita, obradoiro e tertulia, asegurando actividades adaptadas e inclusivas.

Proxecto educativo dirixido a colectivos con diversidade funcional ou en risco de exclusión, no marco do programa Cultura Accesible e Inclusiva liderado pola Fundación Emalcsa. Dende o 2020, emprega experiencias inmersivas de Realidade Virtual para levar virtualmente o Museo ata a propia sede dos centros participantes.

Proxecto sociocultural pensado para colectivos en situación de vulnerabilidade, que busca reflexionar sobre as raíces e a identidade propia, explorando dimensións culturais, xeográficas, emocionais e persoais tanto a nivel individual como colectivo. Durante diversas sesións no Museo, cada grupo traballa un tema e unha técnica artística, da man de diferentes artistas locais.