Exposición temporal. "Viaxar para pintar. Sorolla en Galicia".

Con motivo da recente exposición temporal dedicada á relación de Sorolla con Galicia, a Biblioteca do Museo de Belas Artes da Coruña presenta unha selección bibliográfica na que inclúe diversas publicacións sobre o artista que forman parte dos fondos bibliográficos.  

Selección bibliográfica sobre Joaquín Sorolla

Visitas guiadas á Biblioteca do Museo. 24 de outubro 2023

Como cada ano, o día 24 de outubro celebrouse o Día das Bibliotecas. Nesta ocasión o lema "Tecendo comunidades", pretende destacar o papel fundamental que desempeñan as bibliotecas na construción de fortes lazos dentro das nosas comunidades. Unha biblioteca non é só un edificio cheo de libros, son tamén espazos de encontro e diálogo.

O Día das Bibliotecas pon en valor o traballo que realizan as bibliotecas de todas as tipoloxías, incluídas as especializadas como a biblioteca do Museo de Belas Artes da Coruña, para facer accesible a cultura e o coñecemento a toda a poboación. Imaxinamos as bibliotecas como uns teares onde se ganduxan relacións e coñecementos, onde se anuda o sentido de pertenza.

"Tecendo comunidades" salienta esta importante función social das bibliotecas. Cada visita, cada lectura, cada conversación achega o seu fío único a este tecido comunitario.

Con esta intención, o pasado 24 de outubro realizáronse visitas guiadas pola sala de lectura da biblioteca do Museo.

Presentación da "Colección Picasso - Doazón Peter L. Farer". 11 de maio 2023

A  doazón ofrecida por Peter  L. Farer  componse dun total de 303 publicacións dos séculos  XX e  XXI, en distintos idiomas (inglés, francés, alemán, español…). Inclúe catálogos de exposicións de museos europeos e americanos, así como literatura básica de investigadores internacionais de Picasso, biografías, publicacións periódicas e outras aportacións. 

O 11 de maio de 2023, realízouse a presentación oficial da doazón nun acto institucional de entrega da colección á biblioteca. Contou coa presencia de Peter L. Farer, a súa esposa Gisela, Farer  e o fillo de ambos Raoul Farer, acompañados do Director Xeral de Cultura, Anxo Lorenzo.

Os fondos bibliográficos desta colección ocupan unha sección específica na sala da biblioteca do Museo, denominada Colección Picasso – Doazón Peter  L. Farer, outorgando á biblioteca un grao máis alto de especialización na vida e obra de Pablo Picasso. 

Máis información: Xénese da doazón

Exposición temporal. 

Picasso branco no recordo azul. Debuxando o futuro. 
Picasso na biblioteca do Museo

Publicación

Guía Museo de Belas Artes da Coruña. Galego (ed. 2022)