O Picasso escritor naceu nos pequenos relatos ilustrados e no viñetismo crítico dos seus xornais adolescentes, Azul y Blanco e La Coruña. Neles aprendeu a captar a realidade desde unha dobre dimensión: a imaxe e a escritura, testemuñando o interese que a prensa escrita e a actualidade suscitaban nel.

Isto sería o punto de partida dunha profusa obra literaria –especialmente como poeta e autor teatral, a partir da década de 1930–, ademais dunha fonte de inspiración para as súas obras, que atopaba en revistas ilustradas como a modernista Blanco y Negro, ou en pequenos xornais satíricos e humorísticos da época.